馬國明繼續陪跑　馬德鐘首奪視帝

《萬千星輝頒獎典禮2018》今日舉行，「最佳男主角」由現年50歲的馬德鐘憑《跳躍生命線》奪得，入行25年的馬德鐘16次提名，今次首奪得視帝！馬國明難逃宿命，繼續陪跑做千年老二！

他上台領奬時表示：「好開心，第一次攞！企喺度感覺係吃過苦先知甜，多謝無綫、所有支持我嘅觀眾、傳媒朋友。多謝珍姐（曾勵珍），冇你就唔會有《跳躍生命線》，亦冇麥在田（角色名字），你對我講嘅嘢會記得，以往我年少無知，依家會知喇。多謝樂小姐（樂易玲），咁多年無論高低起跌你都鼓勵我，仲要多謝《跳》劇監製方駿釗、編審，以及台前幕後，大家都演得好好，所以先感動到大家。我仲要多謝屋企人，相信爸爸喺天上面睇到，多謝我個仔，佢帶畀我好多快樂，多謝我太太，佢照顧得我同屋企好好，做藝人太太唔容易！」