【宣布結婚騎劫頒獎禮?】阿蕭:講兩句啫

2018年12月17日 01:01
東網電視
更多新聞短片
阿蕭話一早就想講畀大家知。

藝人蕭正楠於台慶頒獎禮中正式公開黃翠如已成為「蕭太」這個喜訊,頒獎禮完畢後,阿蕭於好友曹永廉陪同下齊齊接受訪問,問到何時結婚時,阿蕭表示是今年四、五月的事,二人於新西蘭旅行結婚。問他怎樣向翠如求婚時,他笑言想起都覺得瘀,因為第一次是失敗的,他謂:「當時我係同翠如玩過山車時求婚,仲搵咗全歐洲最快嘅過山車,點知上到去佢好驚,我攞起隻戒指叫佢望,佢死都唔肯望,我又驚隻戒指跌喎,最終終止呢個行動,所以第一次失敗咗。」說到第二次求婚,阿蕭又謂:「你哋不如問佢啦!內子比較怕羞,我都唔想講太多,我都想用一個簡單方式完成,註冊後一直都想同大家講,但中間發生好多喜事,嘉穎又結婚、跟住到展鵬結婚,突然間陳凱琳又有咗,咁又講唔到,所以覺得今日係好好嘅時候講出嚟!」阿蕭指二人於新西蘭註冊,當時得二人,但事前已知會父母,問之後會否擺酒,他謂:「再諗啦!決定得旅行結婚都係想低調啫!(點解揀新西蘭?)咁我又唔知呀!佢係旅遊達人嚟,係佢揀的,好辛苦先夾到期去,公證人都係當地搵㗎。」

唔覺騎劫頒獎禮

二人註冊時又出現搞笑事,當時二人拿着結婚申請書,但排錯隊去人哋判刑罰的法庭,阿蕭表示:「佢真係太可愛!係一個好女仔,我覺得今晚做得好啱,有個好好嘅回憶,其實事前翠如都唔知,但我真係忍唔住。(騎劫咗頒獎禮?)我都係講兩句啫!」阿蕭又多謝好兄弟曹永廉,指事前對方仲緊張過他,果然是好兄弟。

----------------------------
東網巨星開咗ig喇,大家快啲follow啦!
https://bit.ly/2JjSVcr