【求婚過程公開】翠如深情剖白陪伴的承諾

20181217
東網電視
更多新聞短片
簡單嘅愛情先至係令人最感動。
藝人蕭正楠於無綫台慶頒獎禮中宣布同黃翠如已經結婚,之後訪問仲話試過求婚失敗,究竟佢哋係點樣變成夫婦呢?黃翠如終於喺社交網公開過程,經歷過求婚失敗後,第二次竟然係翠如做主動!佢話:「我喺河邊向佢求婚。」當時嘅情況都好臨時臨急,冇靚衫冇好嘅場地,就連戒指都欠奉,佢哋即場用餐具整咗兩隻戒指頂檔,雖然嗰一刻乜嘢都冇,翠如話佢哋就擁有對方已經足夠!
當時證婚人問佢哋點解揀對方?翠如話佢每次跌倒蕭正楠都話陪住佢,之後再拖住佢一齊向前行,而蕭正楠就話就算去到下一世,相信佢哋都會繼續喺埋一齊。翠如表示:「我們給對方的,是陪伴的承諾。那一天,天空出現一道彩虹,這是最好的祝福。」好多網民都留言祝福佢哋白頭到老,仲話到佢哋嘅簡單愛情好感動!
----------------------------
東網巨星開咗ig喇,大家快啲follow啦!