陳豪都想學！李佳芯爆男友使冧招賀奪獎

出爐視后李佳芯（Ali）到佐敦出席劇集《殺手》煞科宴，同場的高海寧送上鮮花祝賀Ali得獎。Ali表示今天仍然很開心，但心態比起去年較緊張，問頒獎禮後有否跟男友陳炳銓慶祝？她表示對方有送上小蛋糕：「已經一早買定，夜晚先食，佢買咗一件蛋糕、一件撻，佢話如果我有獎就係piece of cake（好容易嘅事），就有得食蛋糕，如果撻Q冇獎就食撻！」身旁的陳豪聞言立即狂笑，Ali表示不知道是否算浪漫，陳豪說：「我要學習！好似拍戲咁。」

陳豪表示自己在《殺》劇尚有兩日戲份，今次拍攝有大量動作戲，的確比較辛苦：「好似拍極都拍唔完咁，啲打戲複雜少少。（聖誕去旅行？）係呀！安排咗好耐，去澳洲過熱天聖誕。」

另外，Ali透露下套劇四月才開拍，期間會拍攝一些綜藝節目，終於有時間可以調理身體：「五臟六腑都要護理吓，之後有得瞓多啲應該會好好。（幾時做身體檢查？）一月啦！依家食緊中藥。」