佗B岑丽香照飞夏威夷　骚白滑玉背唔见肚

女神岑丽香（香香）今个月头自爆已佗B 5个月，由人妻升呢做准人母，幸福满泻～有老公强强做护花使者嘅佢，原来最近飞咗去美国夏威夷度假，佢仲一口气上载多张相透露行程添！

面对阳光与海滩，香香就算大住肚都照换上一身比坚尼，大骚白滑玉背同长腿，不过佢就斋晒背影，搞到大家都见唔到佢个肚仔。虽然转个头佢就上载呢一张佢瞓喺泳池边嘅正面相，不过就低调好多，换上一身长袖衫长裤包到冚，腹部略见微隆，又标示系当地时间早上7点几，连放假生活都好有规律。网友见到啲相之后都嗌靓，仲话好想睇吓香香着泳衣晒肚仔，同佢肚中嘅小Baby“见一面”。