麥玲玲教路!阿嬌想生B要點做?

20181218
東網電視
更多新聞短片
麥玲玲話阿嬌同老公喺海外「造人」會易啲成事。
連續四年為健康食品品牌「維特健靈」擔任代言人的堪輿學家麥玲玲,今日現身校園區拍攝新一輯廣告,巧遇放學時間有不少學生路過要求合照,玲玲來者不拒,非常親民!講起健康心得,她自言主要保持健康心態,每日早睡早起、減少晚間應酬活動,就算出埠工作都必定帶備波鞋做運動。
海外造人易啲
講到今日是鍾欣潼(阿嬌)的註冊大日子,玲玲就話曾於飛機上巧遇剛拍拖的二人,都預計過他們會於今年結婚,再贈言指:「如果佢哋要生B就要好好努力配合時間、出Trip。(海外『造人』?)機會會易啲!」
算到翠如結咗婚
娛樂圈24小時內爆發連番喜事,包括張栢芝再添丁、周勵淇結婚、蕭正楠和黃翠如公布已婚消息,原來玲玲早已預言「蕭黃」的婚事,笑話:「喺10月睇過佢哋兩個嘅命盤,一睇就知佢哋結咗婚,但就梗係唔講出嚟啦!點知蕭正楠自己爆咗出嚟,都有打畀翠如恭喜佢,話畀佢聽一早知佢哋偷偷地註冊,佢都大笑話好勁,希望第二樣嘢都準埋啦!(生B?)預計明年會添丁!翠如聽到都好開心,仲話承我貴言!」
贊助C君酒席
玲玲透露明年娛樂圈喜事陸續有來,多人生B之餘,亦是新人宜出道年份。提起老友農夫成員C君快將「拉埋天窗」,她再爆會贊助C君酒席,認真大手筆:「佢搵咗我擇日,一講完贊助酒席,點知佢就真係Book咗四季(酒店),哈哈!(全包酒席?)睇吓佢擺幾多圍先,OK嘅,係開心事!」
----------------------------
東網巨星開咗ig喇,大家快啲follow啦!