失落视帝！张卫健摆明缺席颁奖礼：去嚟做乜

艺人张卫健（Dicky）晚上到电视城为汪明荃（阿姐）、森美与苏永康（阿公）主持的无綫节目《阿姐有乜未见过》担任嘉宾，张卫健表示专诚来贺阿姐兼要撑“猪朋狗友”。

“希望得到观众嘅心”

问他为何缺席台庆颁奖礼？他说：“唔使啦，我嚟做咩啫。正经讲一直以嚟只系想将戏演好，咁多年来几乎未攞过一个有关演戏嘅奖项，我只希望得到观众嘅心。我认为人生可以渺小，但唔可以虚度，角色可以戏少，但唔可以Hea做，呢个系我多年嘅宗旨。大帅哥呢个角色我对得住自己、对得住观众，我已经将暂时最好嘅张卫健奉献咗畀观众。”

“营造到睇电视嘅气氛”

问是否很在乎视帝？他说：“你话呢？我都话咁多年冇攞过奖，攞奖固然开心，最开心系攞到观众个心，朋友话畀我听好多人赶返屋企睇电视，我真系好开心能够营造到呢个睇电视嘅气氛，呢个系我初衷，希望将快乐带畀观众。（系咪拍到攞奖为止﹖）你知我锺意讲笑，有时又好认真，大帅哥唔系咁易畀你捉摸到。”张卫健又自爆明年或许会在红馆开香港首个个人演唱会。

“曹永廉闻到棺材香”

对于《大帅哥》一班后辈对他失视帝不值，他说：“佢哋感触大啲啫，见到我付出，自己最希望观众睇到佢哋每个演员嘅进步，好似洪永城、蔡思贝、杨秀惠...曹永廉就唔使啦，都闻到棺材香！（仲会唔会出席《大帅哥》宣传？）跟住工作都排满晒，暂时应该唔会。”Dicky又恭喜马德钟称视帝，他透露带妈妈去游水时经常碰面，还羡慕他的长腿。