蒙嘉慧弗爆回歸　變教練督促伊健健身姿勢

演員蒙嘉慧在九龍灣為邵氏網劇《飛虎之雷霆極戰》開工，場口拍攝到嘉慧競投名錶送給苗僑偉，拍攝時更出動總值逾千萬的名錶拍攝，氣派十足。

蒙嘉慧以露背晚裝省鏡亮相，早前養尊處優時的圓潤樣子已消失，成功減磅的她笑說：「大家都知我肥咗一段時間，工作嘅原動力係好大，開工都瘦咗五、六磅，成個人實淨咗，未去到最弗，但都滿意。依家開工前會去做運動，以前邊會，開工個狀態都唔同晒。」

蒙嘉慧近期與正準備演唱會的老公鄭伊健一齊操弗，她笑言做咗運動之後連壞習慣都改埋：「好過以前我成日Hea、打機、瞓喺度食早餐呢啲咁懶嘅行為，做運動之後亦都戒咗翹腳、寒背嘅壞習慣。」而跟教練健身後，她會記實每一個姿勢，還會糾正老公的不正確：「佢笑我成日督促住佢啲健身姿勢，腰要直啲、要收腹，成個Supervisor（監察人）咁。」

問到會否做老公演唱會嘉賓，她自嘲五音不全，故不會獻唱，笑言：「我喺音樂上畀到佢嘅幫助就係唱多啲走音歌，佢話成日聽我唱啲走音歌，就要更加揸緊啲音準。」