攞老婆本出嚟抽獎 馬國明：冇得咁早結婚
20181221
東網電視
更多新聞短片
馬國明咁搞法，幾時先娶到黃心穎呀？
無綫藝員馬國明與陳煒分別憑劇集《宮心計2深宮計》奪得台慶「最受歡迎電視男、女角色」獎項，晚上在灣仔筵開十多席慶功，出席的劇中演員包括黃心穎、謝雪芯、康華、麥玲玲等。
請慶功唔夠誠意
馬國明受訪表示：「聽陳煒話請慶功，我就話不如兩份，後來知道佢因為係代言人所以酒席有優惠，自覺咁樣夾份唔夠誠意，所以今晚會攞現金出嚟抽獎。睇氣氛，準備咗五位數，我老婆本都攞埋出嚟，要再儲過，所以冇得好似蕭正楠咁早結婚，希望大家都玩得開心。」
諗住只提名男配
問到多年來也未能奪視帝失望嗎？馬國明說：「唔會失望，因為都冇諗過自己有獎，其實最初諗住只係提名男配角。所以突然攞獎都嚇一嚇，再畀蕭正楠嚇一嚇，搞到我成個人呆晒，都唔知講乜好。」他又指對獎項隨緣，認為要天時、地利、人和配合。
網民笑似中魔咒
由於馬國明早年奪「最受歡迎電視男角色」時揚言不介意繼續攞該獎，被網民笑稱他中了魔咒，馬國明笑說：「我都唔記得講過，其實無論有冇獎都應該參與，冇獎就戥人開心，做人先至公道。」
----------------------------
東網巨星開咗ig喇，大家快啲follow啦！