囡囡愈大愈靚!鍾嘉欣囝囝變萌爆聖誕笑匠
就快到聖誕節喇,今年再做媽咪嘅鍾嘉欣就將細仔Jared打扮成聖誕老人,而做咗家姐嘅Kelly就着上充滿氣氛嘅紅裙仔,愈大愈靚女,兩姊弟仲同爸爸好似樣添!佢哋又一齊影相,其中一張相係Kelly抱住細佬,點知抱唔穩,搞到細佬個身斜埋一邊,Jared一面天然呆,真係Cute到暈又搞笑!
嘉欣留言話:「大家好,對不起,我沒有活躍在社交媒體上。」因為佢要專心相夫教子,對佢嚟係一次好有挑戰性嘅美好體驗。不過大家放心,嘉欣話梁氏家族已經對照顧小朋友上晒手,所以會有會更多時間更新,補祝大家冬至快樂!一班粉絲見到嘉欣咁講,當然最開心啦,仲話希望佢可以分享多啲一對仔女嘅生活照呀!