被指公主病！Baby要助手彎腰服侍着鞋

藝人Angelababy（楊穎）人紅是非多，經常被人話耍大牌！今日網上流傳一批影片截圖，圖中所見，Baby當時身在上海準備拍廣告，現場好多工作人員包圍佢，大家都幫佢整理造型，當要換鞋時，Baby助手就蹲下幫佢着襪及換鞋，網友就批評她「她一年給她的助理多少錢？連襪子都要助理穿」。而Baby就從頭到尾都冇試過彎腰，被網友指「公主病」、「明明是可以能及的，非要助理伺候」。

不過，有網友幫她講好話，指呢個情況喺拍攝時很常見，因為衫同髮型都唔可以亂，等助手幫手會更有效率，情況係可以理解。

小海綿突襲攝影棚

另外，當Angelababy拍到一半時，有位貴賓突然嚟探班，佢係乜水？咪就係Baby個小Baby小海綿囉，囝囝由保母抱住突襲攝影棚，導演立即暫停工作，Baby飛身走去抱抱囝囝，小海綿成為萬人迷，全廠台前幕後都過嚟親親小王子，Baby變得渾身充滿動力埋位開工，仲遠距離跳舞、四連飛吻氹囝囝開心，變咗萌媽！