更年期脾氣大 苑瓊丹針灸放血睇中醫

20181227
東網電視
更多新聞短片
苑瓊丹提起老公黃乃揚(圓圖)就冧滋滋。
藝人苑瓊丹(苑仔)以包租婆造型為維特健靈拍攝廣告,她表示今次會有三、四個造型,現時拍廣告除了拍照外還要做代言又和開見面會等。問酬勞是否更豐厚?她說:「呢啲基本包裝,一個package。(咁咪多啲錢?)唔知喎,傾完錢啱咪做,同埋除咗宣傳產品,都會有自我宣傳作用,人哋見我由咁醜變咁靚,發覺可塑性高,咁咪咩都會搵我囉!」
對於產品是給更年期的女性使用,她解釋:「更年期唔係性病,只係正常生理問題,50幾歲嘅女性就會有,冇先奇怪。(有冇令你有困擾?)又冇喎,真係謝天謝地。(因為食咗產品?)都要食嘅,我係好健康嘅人,經常針灸、放血、睇中醫、食保健產品。」
苑仔又笑言親朋指更年期會脾氣大:「但我脾氣不嬲都咁大咖啦!(依家有冇收歛咗啲脾氣?)對工作有要求係應該。(對老公都會發脾氣?)我老公咁遷就我,梗係發佢脾氣啦,去到呢啲年紀係好自然嘅相處,係互相尊重,我都奉勸所有女性,成日?住大家好辛苦,要互相尊重、互相扶持,眨下眼就過咗幾十年,咁樣生活先美滿。」