自卑成就史丹福媽媽!陳美齡開騷:我愛香港

20181228
東網電視
更多新聞短片
好媽媽是怎樣煉成的?
藝人陳美齡在伊館舉行講唱會,獲姐姐陳曦齡、毛舜筠及女兒、陳志雲到場支持。她以天使裝出場,與小朋友獻唱《世界真細小》,之後與大家打招呼:「30幾年冇喺香港開演唱會,係講唱會至真,我14歲開始喺香港唱歌,出年就唱咗50年,大家唔好計數,一計就知我幾多歲。」
分享童年經歷
3個兒子都考入史丹福大學的她又分享育兒心得:「培養佢哋有自我肯定能力,要接受自己,唔好同人比較。」她分享自身經歷,從小自我肯定能力低,6兄弟姊妹中排第4,親戚總愛把她與兩個家姐比較:「大家姐(陳依齡)個樣好優秀,二家姐(陳曦齡)讀書就好優秀,每次聽到人比較媽媽就會同人道歉,話佗緊我時因為家境唔好食得唔好,所以我一直冇自信心。」直至中學一次做義工改變了她的人生:「嗰次探訪殘障小朋友,雖然佢哋冇手冇腳,但好記得佢哋用聲音歡迎我,人生自此改變,令我知道其實我係好幸福嘅小朋友,身在福中不知福,點解要同人比較,所以父母要珍惜小朋友嘅生命。」
做歌手經歷迷惘
她又分享當年去日本唱歌的往事,當年爸爸要求她讀書平均分高過80分才能去日本:「最後我會考考咗3優4良,所以父母要放手畀小朋友去發掘潛能。」她亦謂要教小朋友身份認同,坦言自己廿幾歲曾經歷迷惘期:「好早出道,之後去咗加拿大讀兒童心理學,畢業後本來想再讀書,但恰逢爸爸去世,媽媽叫我結婚前繼續唱住歌先,所以我就返嚟唱歌,但好迷惘,直至當時返咗媽媽鄉下,嗰度嘅小朋友竟然識唱我嘅《歸來的燕子》,我好感動,原來做歌手可以將人與人嘅心連起,所以嗰次令我搵番自己。」
家人撐場好感動
期間陳美齡與現場觀眾玩遊戲,其中有遠道從日本來的粉絲到場。尾聲時兩個囝囝、家姐陳曦齡上台,表示:「我愛香港」,陳美齡與他們攬攬,感動到眼濕濕。她表示雖然之前有段長時間不在香港,但很愛香港,現時會長住香港,接着唱出《香港香港》,講唱會圓滿結束。
---------------------------
東網巨星開咗ig喇,大家快啲follow啦!