【娛場】麥先根勁!彭懷安誓做2019反派王

20181231
東網電視
更多新聞短片
彭懷安喺《大帥哥》中飾演麥先根(麥痴根)備受讚賞!
無綫年度壓軸劇《大帥哥》現正熱播中,除了久遺香港幕前的張衞健(Dicky),憑「狄奇」一角再次人氣急升之外,其他角色都成為網民熱話!當中飾演大反派麥先根(麥痴根)的彭懷安(Eddie),雖然出了短短六集,已經魂歸天國,但亦搶鏡非常!
對於角色被認同,彭懷安表示:「其實一接到呢個角色,已經好興奮!之前準備功夫做咗好多,原來係冇用嘅,Dicky哥哥(張衞健)現場係會修改嘅!佢會將成件事變得更好!」和張衞健做對手戲,Eddie坦然有壓力:「有場戲要同佢講數,佢突然做一次我要做嘅戲,然後叫我再做一次!嘩!嚇到我呢!但出到嚟嘅效果,除咗有佢教我嘅嘢之外,亦有我自己嘅Input,係正嘅!」
雖然每次拍劇,都是接到奸角反派,但Eddie樂在其中:「我真情唔想做好人呀!我2019嘅願望,係希望做到一個奸角係長命過六集嘅!我認我個樣黑人憎㗎!咁TVB靚仔多嘛!40零歲又樣衰嘅,應該唔多,希望可以殺出一條血路啦!」
想更了解Eddie彭懷安,立即收睇【娛場】,推一推這位2019反派王啦!下集預告,彭懷安放下奸人本色,回復真我,講講生命中最重要的女人…