馮紹峰2019公布喜訊！趙麗穎認佗豬B
20190101
東網電視
更多新聞短片
恭喜晒！
恭喜恭喜！剛踏入新一年就有喜訊，內地男星馮紹峰同老婆趙麗穎今日喺微博正式承認準備做父母喇！馮紹峰發文：「知否知否，應是一家三口」，老婆趙麗穎就轉發話：「等候等候 恭迎2019」，而馮紹峰講緊嘅「知否知否」就係夫妻檔所拍兼現正播放中嘅大陸劇《知否知否應是綠肥紅瘦》，順道為劇集宣傳，真係一舉兩得！
傳預產期三月
馮紹峰未有說明寶寶預產期及性別，而內地傳媒報道，趙麗穎已有身孕七個月，預產期今年三月，並且佗男胎，而兩人去年奉子成婚只領證結婚，一切從簡，未有拍婚紗照及擺婚宴。就快做老竇嘅馮紹峰向親友表示，當日不拍婚照是怕趙麗穎有身孕不方便，等寶寶出生後會去補拍，至於婚宴則有可能與寶寶百日宴一起慶祝。
兩人因為拍電影《西遊記女兒國》撻着，當時已傳出擦出愛火，不過就一直冇認拍拖，而趙麗穎喺上年10月16日生日就突然晒出領證照宣布已婚，之後就一直盛傳有喜，多次被影到肚凸凸出巡，最近仲被拍得去睇BB用品，令傳聞甚囂塵上！馮紹峰就試過喺微博發文寫上「從此1+1=4」，引起佗雙胞胎猜測，不過隨即秒刪貼文！如今，「唐僧」馮紹峰都變老竇，「國王」都做媽媽，網民都留言祝福佢哋呀！
----------------------------
東網巨星開咗ig喇，大家快啲follow啦！