新戲成本高　王晶爆甄子丹最後悔係…

導演王晶有份投資兼主演的電影《肥龍過江》於九龍灣拍煞科戲，他表示該戲的製作成本不菲：「我哋有半套以上嘅戲喺日本拍攝，又喺廠搭建條歌舞伎町街，喺入面拍飛車場面，結局嗰場喺個搭出嚟嘅東京鐵塔裏面拍。套戲四月上映，要喺內地搶院線。（你今次過足戲癮？）丹爺（甄子丹）叫我演呢個角色，我話唔好，又要打又攰，我話不如我畀多啲錢搵洪金寶演，佢話唔好。我喺戲入打到死，我哋兩個夾埋打幾十個，佢打幾十個，我打幾個，唔打唔知咁好打。」他透露子丹在戲中有肥仔造型，笑言對方後悔得很，因為變妝已辛苦得想死。

另外，談到林嶺東導演早前猝死，王晶即一臉嚴肅，感觸地說：「今日有人同我講林嶺東9號設靈。（有冇聯絡林太？）冇，我又忙又唔知講乜好。（覺得好突然？）收到消息時我喺北京，覺得好錯愕。有人打畀我同我講，我仲話我死佢都未死，做人好化學、就咁走咗。如果佢哋有需要，我一定會幫手。」