重返TVB感觸爆喊　黃美棋自揭年中BB出世

藝人黃美棋到油塘宣傳劇集《救妻同學會》，分享感受時忍不住感觸哭了出來，她表示劇集即將結局感到非常不捨：「咁眼淺係因為已經一段時間冇拍TVB劇，好開心網友話鍾意我嘅角色，亦同其他演員建立咗友誼，感覺好複雜！（新一年都想拍劇？）係呀！但睇公司安排。（網友話劇入面你演技最好！）其實大家都好畀心機，個個付出200分努力，可能緊張，希望畀多啲機會我哋一齊進步。（有冇教佢哋做戲？）唔會！佢哋教我就真，互相幫助互相畀意見啦！（2019年有咩大計？）都係做主持、拍廣告，年中自己嘅BB就出世，就係開台式餐廳！呢個係由細到大嘅夢想，咁啱識咗個朋友，於是我就入股少少。」