阿女做副導演　謝寧碌爆人情卡幫手

前港姐謝寧與女兒岑寧童出席維特健靈25周年紀念酒會，謝寧表示品牌老闆陳曦齡是女兒的家庭醫生，從小看到大，所以一定要來捧場，寧兒透露現正從事副導演工作：「都辛苦，我係新入行，去年先入行。」問到有否邀請母親復出幕前合作？謝寧即說：「佢有搵我客串，佢為咗新戲碌盡人情卡，我、佢爸爸、屋企隻狗仲有其他auntie。（會唔會心痛囡囡辛苦？）都心痛，要挨更抵夜，但我冇反對佢入行，因為佢好適合幕後，我都好鼓勵佢入行，做自己唔鍾意嘅工作好痛苦。」