送驚喜畀黃凱芹　謝文欣反而受寵若驚？

歌手謝文欣（Ally）早前出席活動時，提到最想與黃凱芹合作，日前佢就化身小粉絲專誠去清遠支持偶像演唱會！除咗送上花牌，等對方表演結束後仲入埋後台獻花，佢直言感覺好夢幻：「 佢係我最鍾意嘅偶像，真係好開心可以喺現場睇佢嘅Live，佢真係超級有實力同埋好靚仔！」

而最令Ally受寵若驚係，對方表示有聽過佢唱歌，佢話：「我喺《流行經典50年》有唱佢嘅歌，佢同我講有睇我喺節目上嘅表演，同埋我喺網上自彈自唱嘅片，佢仲叫我加油呀！」