操足2年慘被笑肥到冇頸 張繼聰晒冷反擊
20190109
東網電視
更多新聞短片
操到咁，你估易咩？
事業同家庭兩得意嘅張繼聰，喺2年前踏上「不歸路」，開始鍛煉身體操肌嘅佢，一日一日咁改變，唔經唔覺已經操咗2年！佢喺Instagram大晒冷上載操練成果照，不過原來都只係過去式，依家嘅佢好似畀人吹「脹」咗畀人覺得走晒樣，連佢都話：「呢兩年，最多俾（畀）人問嘅就係你係咪冇做運動？點解你咁肥？陰公（功），其實我進行訓練嘅程度係從來未試過咁甘！」仲試過畀人笑「肥到冇頸」！
不過佢話一啲都冇怯，反而暗喜，因為練得咁辛苦，人哋唔覺佢有改變咪仲大鑊！自信爆棚嘅佢仲話由第一日開始「我就係要同人哋唔同」，所以唔會介意其他聲音，「又唔係傷害別人，點解唔盡力做」！
佢仲鼓勵大家：「如果你都係做緊自己想做嘅嘢，加油，如果有時覺得氣餒，唔緊要，深呼吸，然後再嚟過！」網民都話睇到好感動，力撐佢忠於自己，要向佢好好學習！仲有網友搞笑話「幾時都話你先係我心目中嘅『咪神』」呀！
----------------------------
東網巨星開咗ig喇，大家快啲follow啦！