畀阿仔催生 諸葛紫岐:佢話用力啲就有

2019年01月11日 15:16
東網電視
更多新聞短片
諸葛紫岐竟然畀阿仔催生,話好想要個細佬。

名媛諸葛紫岐(Marie)出席護膚品牌活動,未有露面一段時間的她表示最近努力工作。問有否同時努力造人?她坦言:「都要,希望有好消息。(想生豬BB?)豬我都鍾意,同我都夾。(有冇催谷吓老公?)唔使,順其自然,都要佢得閒先得,老公好忙,好多工作要做,又要陪我哋個仔。工作同仔仔多啲,我就少少。(你有冇投訴?)投訴都冇用,我放棄,咁我自己都有工作又要湊囝囝。(囝囝有冇要求你生個細佬或者細妹畀佢?)有,日日都講好多次,佢想要細佬,佢話佢有好多玩具,細妹唔啱玩,又要買過就好浪費錢。佢好鍾意照顧小朋友,佢話將來會幫細佬沖涼,佢好期待,成日話媽咪你努力啲,用啲力就有(BB),好好笑。」至於農曆新年,Marie會一家人到外地滑雪。