何麗全避談亞視裁員 羅霖夢想成真獲后冠

20190111
東網電視
更多新聞短片
羅霖獲大會頒贈后冠,直言開心過出嫁!
亞視早前裁員,更有指亞視行政總裁何麗全已請辭,今日何麗全現身鑽石活動,未知是否受傳聞困擾,他未有接受訪問,連拍照亦十分避忌。
希望傳畀子孫睇
至於同場的前亞姐冠軍羅霖獲大會頒贈后冠,她表示十分開心:「今日終於夢想成真,有個鑽石后冠送畀我,因為之前亞姐個后冠唔係真,頒完獎就收番,當時我問點樣可以擁有個后冠,我想留嚟做紀念,佢哋就畀咗個廠商名我,叫我自己去訂造一個,好羨慕有幾屆嘅亞姐有贊助,可以有個真后冠。(今次個后冠幾錢?)大會話係無價,其實唔係在於幾錢,希望可以襟擺,可以傳畀子孫睇,之前嗰個甩色。我問大會點解要頒畀我,佢話我都係亞姐嘅經典。」羅霖坦言開心過出嫁,她特別佩戴了當年結婚時,母親所送的耳環到場。
----------------------------
東網巨星開咗ig喇,大家快啲follow啦!