吳若希預咗Hana攞女歌星獎:造畀佢都應該

20190113
東網電視
更多新聞短片
老闆加持喎!
歌手吳若希(Jinny)在《2018年度勁歌金曲頒獎典禮》奪得三個獎,受訪時她表示已經好滿意:「本身諗住嚟抽水攞一個獎,比我預期多咗。(有冇預到菊梓喬Hana攞「最受歡迎女歌星」?)預咗啦!投票結果都好清晰,因為佢投票率佔好大比率,好多分數,係拋離當選,戥佢開心,因為佢好鍾意唱歌,我都自愧不如,佢係值得得到獎項,我哋平台接觸層面的確好鍾意佢。(覺得佢係實至名歸?)如果佢係計投票率嘅話係值得當選㗎喎。」隨即她表示最開心是與胡鴻鈞一同奪得「最佳演繹男/女歌星」:「因為佢唱歌係0差錯,冇任何甩漏。(你曲線讚埋自己?)佢將我拉高咗。」
老闆確認一姐地位
講到上年男女歌星獎合併為一獎,但今年就分番開,有指是想造就Hana奪得女歌星獎,對此Jinny就謂:「就算造畀佢都應該呀,始終自己公司嘅人,佢啲歌係真係Hit,依家冇乜邊個香港歌手嘅MV係差唔多隻隻都過到百萬點擊率。」問到下年想不想攞女歌星獎?她即笑言:「好大壓力,唔想做,下年繼續菊梓喬。」講到現時Hana名正言順做一姐,她笑言:「我喺屋企都係一姐。」此時在旁的老闆何哲圖就謂Jinny是公司一姐,Jinny即笑言:「嘩!老闆咁講即係跣我,我唔敢講呀,陣間又話我爭嘢,明明其實我哋公司係好融洽。(你贏風度?)多謝!」
多謝兩個姓何男人
講到老公有來支持,她表示:「係呀,有樣嘢想多謝佢,2019年佢因爲我嘅工作而選擇放棄澳門住咗30年嘅屋企,同我一齊搬嚟香港,所以我想多謝佢做我背後嘅男人,我要多謝兩個何生,老闆喺工作畀我好多指導,另一個就喺生活、感情同精神都畀咗好多支持我。」
----------------------------
東網巨星開咗ig喇,大家快啲follow啦!