睇住龍友喪影車模重要部位 吳彥祖嚇到呆
20190113
東網電視
更多新聞短片
見多幾次就會慣！
藝人吳彥祖（Daniel）喺社交網度話去咗日本睇車展，當中最驚人嘅發現唔係有乜新科技，而係親眼睇住大部分嘅龍友，喺現場不停影車模，仲要放大重要部位嚟影！佢仲呻因為太多龍友包圍，搞到佢想影架車都影唔到，真係慘慘豬。
近年Daniel喺荷里活發展，趁住得閒佢就去咗日本參觀車展，除咗睇車之外，亦都去朋友嘅展覽攤位到撐吓場，佢仲影咗幾架喺美國好難見到嘅車款同網民分享。轉頭佢就甫咗一堆人影緊車模嘅相，唔通佢都有呢鋪癮？佢留言話：「我發誓，大多數攝影師都係為咗啲女仔而嚟，喺任何一個攤位都會見到一群人圍住個車模嚟影，佢哋仲會放大車模身體嘅部位嚟影，從滿足佢哋嘅戀物癖，好奇怪！」雖然Daniel對於龍友呢個行為好驚訝，不過佢都冇忘記今次行程其中一個目的，就係去撐朋友場，佢仲呼籲粉絲行過記得睇吓。
----------------------------
東網巨星開咗ig喇，大家快啲follow啦！