【13期訓練班】徐榮舉家偶遇佗B張美妮

藝人徐榮最近終於忙完《大帥哥》宣傳工作，當然留時間陪屋企人。呢日佢一家四口去海旁散步，竟然撞到佗B 4個多月嘅張美妮，之後一行五人仲一齊散步話家常。原來徐榮同美妮係無綫13期藝員訓練班同學仔，真係有緣啦！

相中見到美妮帶埋狗狗一齊散步，仲同徐榮囡囡包包傾到雞啄唔斷，相處好融洽。徐榮留言話：「一家人出去行吓，撞到同學仔美妮，佢好快做Mummy啦！恭喜晒呀！」