6月先開劇!袁偉豪半放假等接外快Job

2019年01月13日 11:10
東網電視
更多新聞短片
唔知下套劇係做咩角色呢?

藝人袁偉豪(Ben)、胡諾言(胡仔)及胡蓓蔚出席慈善跑活動,已第二年參加的Ben,透露將率領殘疾人士跑三公里,更指現時半放假狀態,會多接工作賺外快,他說:「6月先再開工,其實都感恩,由《鐵探》到依家,好多嘢都係自己選擇,我都幾享受過程。(會唔會去旅行?)會再去呀!睇吓趕唔趕得切帶媽咪去睇櫻花。」

而胡仔則表示正激發太太陳琪對運動的興趣:「呢排天氣忽冷忽熱,佢都乾咳,希望佢接觸多啲運動,等有朝一日一齊喺跑道上做慈善。(一家五口一齊跑?)細仔仲細,遲啲先帶佢跑,大女尋日跑完都有啲擦損,小朋友取勝心強,我都有教佢哋輸贏唔緊要,最重要係投入。」