近距離接觸 苟芸慧出力助陸漢洋做老竇

2019年01月13日 13:58
東網電視
更多新聞短片
苟芸慧恨做媽咪!

現年35歲的苟芸慧(苟姑娘)去年十月下嫁賽車手陸漢洋,人妻三個月試用期即將屆滿,結婚時表示希望生四個,苟姑娘很喜歡小朋友,好想做媽咪,但偏偏陸漢洋未Ready做爸爸,苟姑娘說:「佢係屋企嘅King,其實識佢嘅人都知道佢以前唔鍾意結婚、唔想生小朋友,但佢已經有進步(結咗婚),所有嘢要講啱timing,才是right timing,接下來,希望朝住positive方向,一步一步嚟。(你好似社工?)自己係鍾意小朋友嘅人,想知道做媽咪係點,身邊啲朋友都做咗媽咪,進入人生另一階段,自己都好羡慕,都希望有自己小朋友。其實陸生個性都似小朋友,希望佢可以快啲成長喇!」

助養小朋友當做「實習」

原來陸漢洋未Ready的主因,是覺得自己好曵,擔心將來小朋友似自己,成為社會的負累。苟姑娘為加速老公成長,半年前兩人開始助養來自柬埔寨和斯里蘭卡的兒童,現時助養了兩男兩女合共四個小孩,嘗試透過助養讓老公跟小朋友作初步隔空接觸,她說:「我哋嘅『兩子兩女』會定期寫信畀我哋,好似個女話想做警察,個仔想做老師,我會同佢講番,佢初時都唔理我,但慢慢佢會聽,希望佢慢慢習慣,才準備做爸爸。我覺得助養對準備做父母嘅人係幾好,既幫到人,又幫到自己,係win win雙贏。」

苟姑娘還會定時將兩歲多的姪兒帶到家來,讓老公接觸一下小朋友的「實體」,可謂苦心經營。不過她笑說老公初時對姪兒視作透明:「姪仔好乖,唔嘈,我畀佢喺屋企行嚟行去,初時陸生成日問幾時帶佢走?慢慢老公就慣咗自己空間裏面有個小孩呢個物體,姪仔又好笑,成日叫佢Uncle Will,依家開始有互動,絕對係大躍進。」下月23日苟姑娘會出席宣明會舉行的「親子歷奇180」任開幕禮嘉賓,當日有難民體驗的親子遊戲,供家長和小朋友玩,她即出口術說「希望陸生會嚟,唔使再憑想像家長嘅生活點過!」


妝/髮:Amy Lee/Sue Cheung@ Hair Corner K11
服裝:Max Mara
場地:Envy Restaurant & Bar