陳敏之踏入四字頭　獲好友慶生閃爆全場

藝人陳敏之今個月17日就40歲生日，日前佢獲老公以及一大班好友為佢搞生日Party提早慶祝，當中包括胡杏兒及老公李乘德、袁偉豪、陳山聰、伍詠薇、黃致豪等，場面相當熱鬧！

佢喺社交網上載多張Party靚相，除咗大合照之外，敏之同全男班合影，實行要做「萬綠叢中一點紅」。之後佢再同全女班大影姊妹相，個個都着上黑色衫，唯獨壽星女以bling bling衫上陣，迅即成為全場最閃！佢亦有喺留言多謝親友嘅蒞臨：「多謝大家陪我玩了一個瘋狂的晚上，大家都好靚，Love u all，Happy40，一個難忘的生日。」