森美爆方力申拖女去日本：幾靚嘅！
20190113
東網電視
更多新聞短片
呢次真係他鄉遇故知。
藝人森美為香港首屆牛仔節擔任司儀，森美表示近日為幫好友古巨基宣傳演唱會兼新歌，一齊去日本拍攝短片，期間竟然「他鄉遇故知」：「咁啱行街撞到Joey（容祖兒），都有影相同食飯，然後食食吓飯又見到方力申（小方）IG話喺日本，雖然佢同屋企人嚟玩，都有約埋佢出嚟。（同行有冇女友？）我見到，有個幾靚嘅，係佢媽媽，應該淨係同屋企人，除非佢呃我哋！」續指今次齊人機會難得，全靠科技發達即時溝通，又說：「喺香港分開食飯就試過，咁齊人食都真係第一次。」
森美表示由細個開始就受爸爸影響，好鍾意着牛仔褲：「覺得甩咗色嘅藍色特別靚，仲記得當時好興將牛仔褲改裝，所以大個咗都去基隆街買牛仔布做衫、做西裝。（同小朋友DIY牛仔褲做親子活動？）呢個就冇啦，同爸爸就有。」並謂平時去旅行都會到處「尋寶」。
----------------------------
東網巨星開咗ig喇，大家快啲follow啦！