《勁歌》冇獎攞!譚杏藍晒絕對領域搶鏡

2019年01月14日 01:16
東網電視
更多新聞短片
譚杏藍參加勁歌頒獎禮玩另類性感誘惑!

歌手譚杏藍(小花)形象百變,去參加勁歌頒獎禮時以中國娃娃Look現身,梳咗個丸子頭,以紅黑作為配搭,晒出「絕對領域」,大玩另類性感誘惑!佢喺社交網留言:「最近很喜歡紅色,或者是因為有一種溫暖的感覺吧!」難怪網民讚佢變成「靚花」、「正花」、「索花」呀!

雖然冇攞到任何獎,但佢話由細睇勁歌睇到大,第一次能夠參與其中,出場時又與樂壇一班新力軍表演,覺得好熱血呀!佢話:「好耐冇感受過咁熱血嘅氣氛,一大班新人由練習到表演,吵吵鬧鬧到一個點。」見到佢哋成班歌手相處融洽,個個充滿幹勁,對音樂仲咁有熱誠,睇嚟樂壇仲好有希望!