何基佑囡囡滿月　矇豬電眼融化網民

藝人何基佑（Kay）去年12月再度榮升爸爸，育有一仔一女成功湊夠「好」字。話咁快佢嘅細女何珊娜（Sanna）就滿月啦，Kay喺社交網上載囡囡滿月近照，單眼皮嘅Sanna有對「矇豬電眼」，真係超級可愛，加埋個甜笑冧樣，仲識望鏡頭，真係即刻畀佢融化晒！對比番佢初生個樣，果然「女大十八變」，令人慨嘆BB真係長大得好快呀！

Kay就代囡囡多謝大家嘅祝福：「各位Uncle，Auntie，哥哥，姐姐，我何珊娜滿月啦！謝謝每一位的祝福，讓我在濃濃的愛中成長。我承諾我會快高長大，肥肥白白，聽教聽話…日日食住清義哥！」