拆石膏冇耐咋喎！黃宗澤表演凌空金雞獨立

藝人黃宗澤（Bosco）早前整傷左腳後復工，雖然已經拆咗石膏但都仍然要撐拐杖，拍戲時仲因此製造唔少笑料。呢日佢拍邵氏網劇《飛虎之雷霆極戰》休息時間都玩唔停，仲搵埋導演同佢一齊鬥擺甫士，導演先擺出金雞獨立，不過Bosco就算有腳傷都絕對唔輸蝕，竟然撐住拐杖凌空跳起，認真貪玩！佢仲搞笑留言話：「導演，你估淨係你識飛，我都得㗎！」有好多網民都留言叫佢小心啲，唔好咁百厭喇！