全中國睇實!真人騷直撃王祖藍陪產過程

2019年01月14日 10:22
東網電視
更多新聞短片
原來電視台全程直擊,唔怪得之前咁低調啦!

剛榮升人父嘅藝人王祖藍與靚老婆李亞男(Leanne)上月喜誕愛女Gabrielle,之前一直保密嘅二人,到BB出咗世先喺社交網公布消息,鬼咁低調。不過原來祖藍喺Leanne分娩時,就已經同大陸電視台講好拍攝迎接B女嘅過程,呢幾日節目仲正式出埋街添。

大陸綜藝節目《沒想到吧》最新一集中,就直擊咗祖藍於錄影後即趕返港陪老婆生B嘅紀錄。祖藍收工後,急急腳上車去機場,佢仲一路計時間幾點返到香港,佢又自爆自己可能嗰幾日都要喺醫院裏面瞓:「因為她(Leanne)起碼要待幾天,白天又工作,不能見到她,所以只有晚上,可能到醫院裏面陪她就好,因為如果我回家睡,她就一個人在醫院裏面。」

一路講住想快啲見到亞男嘅佢,一落機就發現接載嘅車已經放好BB car seat,佢就大讚老婆安排得太好,由Baby shower到BB房布置都係Leanne自己搞。去到最後,片中就影住佢送老婆去產房,又為Leanne戴手術帽等,睇見都溫馨。