全中国睇实！真人骚直撃王祖蓝陪产过程

刚荣升人父嘅艺人王祖蓝与靓老婆李亚男（Leanne）上月喜诞爱女Gabrielle，之前一直保密嘅二人，到BB出咗世先喺社交网公布消息，鬼咁低调。不过原来祖蓝喺Leanne分娩时，就已经同大陆电视台讲好拍摄迎接B女嘅过程，呢几日节目仲正式出埋街添。

大陆综艺节目《没想到吧》最新一集中，就直击咗祖蓝于录影后即赶返港陪老婆生B嘅纪录。祖蓝收工后，急急脚上车去机场，佢仲一路计时间几点返到香港，佢又自爆自己可能嗰几日都要喺医院里面瞓：“因为她（Leanne）起码要待几天，白天又工作，不能见到她，所以只有晚上，可能到医院里面陪她就好，因为如果我回家睡，她就一个人在医院里面。”

一路讲住想快啲见到亚男嘅佢，一落机就发现接载嘅车已经放好BB car seat，佢就大赞老婆安排得太好，由Baby shower到BB房布置都系Leanne自己搞。去到最后，片中就影住佢送老婆去产房，又为Leanne戴手术帽等，睇见都温馨。