劇迷激讚「天嬌」 譚凱琪感謝張衞健提點

2019年01月14日 13:00
東網電視
更多新聞短片
由Zoie飾演嘅「天嬌」獲劇迷大讚,Zoie對此表示好開心!

無綫藝人譚凱琪(Zoie)接受電台訪問,她指劇集《大帥哥》播出後回響大,出街有不少觀眾及小朋友叫她「天嬌」,連幕前幕後的同事也有收看,令她覺得窩心。而今次「天嬌」一角引發網民討論,更大讚Zoie演技進步,她對此表示非常開心。

Zoie日前因出席活動而未能出席《大帥哥》結局飯敍,她感謝張衞健(Dicky)拍攝時的教導,對她亦有不少啟發,覺得自己要更加倍努力,她說:「Dicky話藝人對社會有責任,要帶畀人歡樂,公眾人物要做好自己。佢仲話做藝人要有獨特性,聽完佢呢句說話,我諗咗好耐自己有乜獨特性,等我搵到再話畀大家聽。」

早前她錄製了一首日文歌,並剪輯成劇集片段MV放上網送給「大帥哥」,亦為「天嬌」寫下一個完美結局,她說:「我畀咗首歌Dicky聽,佢就提議不如加埋佢唱嘅『月光光』喺最尾嗰度,佢用咗20分鐘、錄咗6個版本畀我,最後我揀咗一個悲情嘅版本,好多朋友睇完個MV都話感動到流眼淚。」而被問到是否有興趣再闖樂壇時,Zoie就笑言要看時機。