娶得過!驚男友失業 馮盈盈幫手供樓

2019年01月14日 14:10
東網電視
更多新聞短片
馮盈盈唔單止幫手畀首期,仲幫手供埋樓呀!

前港姐馮盈盈出席旺角家樂坊舉行的「芝麻開運『型』新春」活動,獲送上桃花揮春,笑指作為藝人,桃花愈多證明多貴人扶助,寄望新一年更加大紅大紫,令其有錢供樓。

對於男友置業,她有份付首期,問到為何還要幫手供樓?盈盈謂:「盡量幫手,一陣大吉利是男友失業點算,經濟上有保障,到時斷供咪蝕埋個首期,所以新一年大個女要長進啲,唔可以再吃喝玩樂,要學識理財,以前揮霍都覺得合理,依家買咗樓父母覺得成件事係好,人有得着先成長。」

唔覺得自己買樓好叻

由於近日對樓市有研究,結果成為專家,被取笑染指財經版,對於成為90後榜樣,她笑謂:「有啲咁嘅事?我未覺得可以,我有啲中學同學都開餐廳做生意,所以唔覺得買樓好叻,反而都想回饋社會,好似最近都贊助麥明詩踩單車,佢出力我出錢(有冇慰問佢,佢踩到爆晒粗?)唔知喎!睇佢都辛苦,但有男伴一齊都幾開心,希望佢enjoy旅程,我就冇呢個膽量同毅力。」