吳業坤睇到陳國峰除衫：垂涎三尺

歌手吳業坤現身同是「超級巨聲」出身的藝人陳國峰（Penny）個唱記者會，吳業坤表示兩人相識了超過九年，對方由一個很照顧自己的大哥哥變成同行夥伴及平輩：「見到佢開個唱，好戥佢開心，大家雖然起步點唔同，但始終都會一齊，佢叫我喺佢個唱擔任嘉賓，希望用歌聲去延續。」並開玩笑指在Penny的演唱會上會順便為自己將舉行的個唱作宣傳及賣飛。

提到Penny透露會在唱個上脫衣騷肌，問吳業坤會否齊齊脫衣？他笑言：「我幫佢除，由我負責幫佢換衫，我睇過佢嘅身材，真係好正，我係男人見到都垂涎三尺，所以大家就算唔聽歌，只係睇佢嘅身形都值回票價，加上有我同一班兄弟助陣，唔睇就蝕。至於我就留番自己個唱先除衫，唔好蝕咁多畀佢。」