陳凱琳孖嘉穎睇騷 張學友自爆「老人病」發

2019年01月14日 20:30
東網電視
更多新聞短片
張學友返香港開騷,自爆緊張到「老人病」爆發!

「歌神」張學友的紅館演唱會進行得如火如荼,學友自爆回歸香港主唱開騷,緊張得「老人病」爆發!前晚他在個唱中感謝歌迷對他不離不棄,並有感而發說:「2000年時候因為技術唔好,曾經有失聲時候,大家都冇離開過我,我今日先可以喺度再為大家表演,其實中間經過好多嘢,我相信大家絕對有100個理由離開張學友,衷心多謝你哋支持,一路畀機會我去做自己鍾意嘅嘢,我會繼續努力為大家帶來更好嘅表演。」接住他搞gag笑言轉頭會去換衫,雖然大家都知「安哥」不是秘密,但他笑指換衫速度快慢要視乎觀眾歡呼聲,笑說:「大家嘅歡呼聲、喝采聲再加掌聲大一倍,我就出嚟。」

而藝人陳凱琳(Grace)就喺社交網上載一張同學友、老公鄭嘉穎嘅三人合照,並留言:「多謝老公請我去睇張學友~太好聽!太精彩啦!」原來Grace兩公婆都係學友粉絲喎!