為個女搞生日P　郭可盈林文龍冧住獻吻

藝人郭可盈同老公林文龍嘅女兒津津今日9歲生日，一向視女兒為小公主嘅可盈同文龍就搞咗個生日派對，邀請成班親朋好友齊齊慶祝，場面相當熱鬧。見津津着上紗裙，化身成小公主，兩公婆同阿女一齊切蛋糕，仲向佢獻吻，真係Sweet到爆！佢哋預備咗一個兩層高嘅立體蛋糕畀津津，上面擺咗津津鍾意嘅卡通人物，有咁多人同佢慶生，又有爸爸媽媽喺身邊，津津真係好幸福呀。可盈留言：「謝謝各位親朋好友同學們為Tania送上的祝福心意和到賀！爸媽祝福妳（你）健康開心！美麗人生！」