由六位由9歲至12歲小妹妹組成的小女圑ALBS日前作公開表演，11歲的圑員Starry表示其中一位成員Mo因皮膚敏感而缺席，所以只有五位成員演出，但冇損演出水準，又指六位雖然來自不同的學校，可是成圑一年來，大家合作愉快：「我哋課餘都有約出嚟去玩，不過因為我哋年紀細，所以一定要媽咪帶住我哋出嚟。」

問到又要四出表演又要兼顧學業可覺得辛苦？Starry搖頭說：「唔辛苦，因為我哋好鍾意唱歌、跳舞同表演，媽咪冇逼我返補習班，同埋我係讀國際學校，所以唔係咁多功課，我仲有時間學藝術體操，希望將來可以喺呢方面發展。」同樣11歲的Cher就話將到英國升學，不過每有假期都會返港參與小女圑的演出。