愛是沒保留!陳美琪養女行得番翹手謝親恩

20190117
東網電視
更多新聞短片
陳美琪嘅養育之恩,LuLu一定好報答媽咪。
現年60歲的昔日無綫花旦陳美琪(Maggie)與馬清偉離婚後,再婚下嫁美籍華人忻尚永,至今依然非常恩愛。愛心爆棚的她於2008年收養患有先天性脊椎爆裂及中度腦積水的孤兒Lulu,一直盡心盡力照顧,由於Lulu有先天性缺陷,未能如常走路,為了愛女可如其他小朋友般健康成長,Maggie不時陪囡囡進出醫院做手術,近兩年Lulu除矯正了長短腳的問題,之後再接受矯正左腳內翻的手術,Maggie時刻陪伴照顧周到。
翹實媽咪撒嬌
她不時在微博上載母女合照,分享家庭樂,包括囡囡手術成功後坐在輪椅上扮鬼臉的照片,並留言鼓勵:「女兒哭過、害怕過、擔心過,捱過手術刀後,又是一條好漢。」可見她已視Lulu如親女兒看待,母女情深。她亦花了不少心機栽培愛女,在她耐心教導下,囡囡早年獲傳統名校取錄,Maggie除間中北上拍劇外,堅持每日接送囡囡返學放學。
日前下午,Maggie與女兒雙雙現身中環,雖然年屆60歲,但人美心更美的她身形纖瘦兼保養得宜,與囡囡邊行邊傾,吸引不少途人目光。見Lulu長高不少,與媽咪只相差半個頭高度。經過多次手術後,她已行動自如,孭着背囊的她不時又拖又翹媽咪手臂撒嬌,報答多年來的養育親恩。其後兩母女步往附近化妝品店揀心頭好,未幾Maggie已有斬獲,再轉戰壽司店購買外賣。期間二人有商有量,買了大袋外賣後才步往停車場取泊車優惠,Lulu等待時表現貼心,主動為媽咪拎手袋,做廿四孝女兒。
上運動堂照跑步
Maggie昨日接受電話訪問時表示,女兒先後做過兩次手術,腳內翻及長短腳問題得以改善,可以自由走動:「雖然依家仲係長短腳,相差幾厘米,所以令盆骨斜咗,行起上嚟吃力,但我哋會一齊面對。(囡囡好肯行?)佢好肯行,仲上PE堂,會照跑,佢唔理跑第九都照跑,當自己係正常人,呢個態度好好。」她從小教導女兒要面對缺陷,因為將來的壓力更多。又稱近日女兒準備呈分試,每日陪伴溫習,她亦會時刻提醒自己不忘初心:「父母要諗番當初係想小朋友點,係要帶畀佢愛同歡樂,何必要互相煎熬,但將來冇我扶持會點?所以唔可以冇競爭力,當中要取得平衡。(囡囡令你好多得着?) 着數多添,好似同佢溫書做功課,我好似溫故知新咁,依家好多中文字都唔同咗,我學番好多中文字。」