洪永城火速認愛　梁諾妍受寵若驚

洪永城（Tony）早前被東網踢爆秘戀長腿女模梁諾妍（Inez），Tony即大方認愛，Inez接受訪問時表示與男友拍拖幾個月，沒想過這麼快公開：「諗住大家再了解多啲先公開，所以見到記者嗰時係嚇親，有啲手足無措，不過佢好保護我，（佢讚你有好多優點！）我都受寵若驚，多謝佢，佢都係好細心嘅人，（佢為你買樓準備同你結婚？）唔係為我，佢投資啫，係樓花嚟。」

她表示大家以工作行先，目前關係好好，正常發展中，雖然Tony忙於拍劇，但兩人有保持電話聯絡。講到跟男友跑步而認識，跑開馬拉松的她說：「佢都有跑，但跑一個鐘度，我依家努力push佢跑多一個鐘，希望呢一、兩年內佢陪我跑吓馬拉松。」談到她與前度一齊時似乎與Tony重疊時間，她說：「冇重疊，好清楚我哋係和平分手後，我先同Tony了解相處。」