舊患拖足幾年　姜濤3月做手術

男團MIRROR的小鮮肉，現年19歲的姜濤，右腳韌帶撕裂，經理人花姐表示姜濤其實早已受傷了兩三年，是舊患，但一直無醫過，她說：「佢之前打籃球傷咗右腳，但佢一路無理，參加《全民造星》之前，有照過知道係韌帶撕裂，排咗政府醫院做手術，但最後都無做，前幾日佢去泰國拍綜藝節目《MIRROR GO》之前，我逼佢再睇咗次醫生，之後佢上機出發，所以未同佢媽咪傾，如果做手術，希望安排喺三月做。」

唔跪得耐

花姐說姜濤一路以來是靠肌肉支撐，平日行動自如，不過她說：「姜濤平時就住唔用右腳出力，唔用右腳轉身，全部用左腳係無事，醫生都話其實傷勢唔算嚴重，唔係咁急切性，只不過個半月版開始磨蝕，唔可以跪得太耐，會腳腫，無事無幹就話，一有碰撞就會有意外。」花姐透露負責操刀的醫生曾醫過不少運動員，故很有信心。而手術後，除首兩星期需要使用拐杖外，配合物理治療，大約半年便痊愈，她會盡量在這段日子安排姜濤唱慢歌，叫姜糖們不要擔心。