火辣水着！許瑋甯晒線騷腰大解放

台灣女星許瑋甯所主演嘅網劇《Ai在西元前》早前終於拍完，近日佢撇甩男友孖友人去夏威夷度假，難得去到充滿陽光與海灘嘅度假勝地，當然要嚟個性感大解放！一向身形弗爆嘅佢着上低胸小背心，騷出事業線兼晒纖腰，仲入鄉隨俗做出「Aloha」手勢。

當佢去到沙灘，即刻換上紅色三點式泳衣，側胸露出數字紋身，而其實個紋身背後有重要意義，串數字代表住佢外公、外婆屋企嘅經緯度，認真孝順呀！