【10年逆襲】陳嘉樺晒新舊照自爆「變性」

台灣歌手陳嘉樺（Ella）當初以S.H.E成員身份出道時主打男仔頭形象，同另外兩位行甜美少女路線嘅成員形成強烈對比！不過估唔到Ella後來愈變愈索，婚後仲變成身材弗爆嘅火辣人妻，果然係女大十八變呀～呢日Ella喺社交網玩最近好Hit嘅「10年挑戰」（10-Year Challenge），佢晒出新舊照之餘，仲搞笑自抽「變性」：「從男的變女的 從帥氣變美麗 #10yearchallenge」有粉絲見到之後留言表示Ella係S.H.E裏面變化最大嘅成員，不過兩種風格嘅Ella佢哋都愛，仲有人向Ella請教點樣可以由男仔頭逆襲變索女添！