瀨過一次嘢!蔡卓妍怕怕唔敢再瞞婚

2019年01月19日 18:23
東網電視
更多新聞短片
阿Sa幾時嫁?

藝人蔡卓妍(阿Sa)到旺角出席英皇電影《非分熟女》優先場謝票,跟觀眾分享拍攝感受。講到她日前接受訪問表示若男友想結婚,她亦會配合,阿Sa即作出澄清:「我係話依家狀態好開心,下一秒會發生咩事冇人知,遲啲先算,個天會話畀你聽,總之唔會衝動。(會唔會好似當年咁瞞婚?)唔會,瀨過一次嘢,係希望得到祝福。」 問是否會跟姊妹鍾欣潼一樣大搞婚禮,阿Sa表示未必會如此鋪張,現時尚未有想法。

聲帶問題困擾一年

另外有指阿Sa聲帶出現問題,因此要暫停歌唱事業,她表示已困擾了一年時間,而Twins巡迴演唱會也要暫停:「暫時未知幾時可以再唱歌,可能係咁多年一直用同一個位過勞,同埋上次香港站病住都死頂嘅後遺症,都轉過幾個醫生,甚至叫我唔好講嘢,可能係上天畀啟示我,叫我呢一年專心拍戲。(咁點拍嗌交戲?)都可以嘅,或者練定手語做啞女啦!」

跳鋼管舞增加情趣

對於戲中阿Sa角色有性障礙症,更有大膽露背自摸和跳鋼管舞鏡頭,講到身穿性感舞衣跳鋼管舞,她表示角色只是普通人,因此不用特別操fit及練舞技:「不過跳完都發覺周身瘀晒,腳趾甲都爆埋!但跳嗰陣腎上腺素好高就唔覺痛。(拍完有冇再繼續學鋼管舞?)冇呀!我都想。(會唔會再學,跳畀男朋友石恆聰睇增加情趣?)唔使樣樣都喺嗰方面諗,都係一種運動,會更加了解自己,對住塊鏡知道自己點樣最靚,都係一個勇敢大挑戰,好似舞衣好少布,我第一次去練習要加條短褲,但去到發現個個都係咁着,反而我覺得好尷尬,做呢一樣嘢咁樣着係好合理。」