邓颖尧晒大肚水着　张珮汶巨肚留倩影

原名张家莹的前亚姐张珮汶（Grace）现怀有8个月身孕，即将荣升妈妈嘅佢，呢日去咗影大肚写真照纪念佗B嘅美丽时刻。Grace 着上白色喱士裙望住巨肚，流露一副幸福样，其中一张佢哋两公婆仲嚟个深情对望，认真甜蜜！Grace话：“Can’t wait to meet this little person who is half me and half the one I love.（急不及待好想见到我肚内嘅BB，一个我爱嘅人。”唔少网民大赞呢批相好唯美，仲话Grace个感觉好高贵添！

另一边，早前宣布怀孕嘅模特儿邓颖尧（YoYo），就飞咗去布吉度假，并大晒水着相，着咗红色一件头泳衣嘅YoYo，摸着微微隆起嘅肚皮，大晒白滑美腿，果然索爆！