成日演學生！岑珈其希望有代表作

藝人岑珈其（Kaki）任活動嘉賓，聲演書中的小故事，而拍戲以來大多數都是演學生角色，對於會否感到角色發揮有局限？他說：「咁又唔會，就算係演學生，每個人都有佢嘅特性，所以都會有分別。（要求導演畀其他角色你演？）唔會要求，有多啲演出機會已經好好，咩角色都會去做。自己最希望演到具代表性嘅角色，例如周星馳演嘅至尊寶、周潤發演嘅Mark哥，即係一講到角色名就會記得係你演，至少有個代表作就夠。」

至於農曆新年預計只有幾天休息，因為要拍攝ViuTV新劇《教束》，講香港教育問題下的學生。繼續都是演學生，完全手到拿來？他說：「都唔係嘅，每個故事都唔同，有佢發揮嘅空間。」