踩入商界！Terri Holladay設立品牌賣手袋

曾為趙世曾誕下一子後分手嘅Terri Holladay久未作公開露面，佢孖住現年25歲嘅仔仔趙式正喺香港出席慈善晚宴，佢透露近年經常香港、美國兩邊飛，每次逗留差唔多兩個月嘅時間，佢話：「依家生活好開心，同埋仔仔大個咗，可以有時間發展自己嘅事業，所以開設咗自己嘅品牌，亦會親自設計手袋。」

而趙式正就表示修讀緊香港城市大學MBA課程，並主修有關電腦方面嘅科目，佢表示將來都有意發展相關生意，笑言爸爸對佢嘅教育就係最大嘅支持。問到有冇拍拖？佢似乎有所暗示：「認識咗好多好好嘅女仔。（有結婚打算？）暫時未有，對我嚟講太早。」佢透露將會留港度過農曆新年，並會同爸爸有家族聚餐。