顧美華最後一次演舞台劇 馬浚偉喊到眼腫
藝人馬浚偉及顧美華主演舞台劇《生前約死後》,11場演出順利完成,台前幕後晚上於銅鑼灣慶功,場面熱鬧。首次參演舞台劇的顧美華坦言演出期間相當緊張:「今晚終於有好覺瞓嘞,同埋我想肥番少少。(勾起戲癮,有機會再做舞台劇?)應該係最後一次!」
馬浚偉亦坦承雖然觀眾反應好,但今次演出花上很大心力,自己更每晚哭到眼腫:「頭先仲發現因喊到流鼻涕,連鼻哥裏面都損埋,所以唔加場嘞,留番電影版開拍大家再嚟過啦。我呢兩日會開電影製作會議,最遲4月尾就開鏡,會繼續將親人離世及情緒病嘅原素呈現畀觀眾。(原班演出?)盡量,可能會加一、兩個新角色。」
問到身為《生》片導演的他,有否信心讓顧美華再奪影后?馬浚偉表示:「希望啦,我自己都想有機會攞新導演及編劇等獎項。我會用一個月喺香港實景拍攝,預算11月上映。」顧美華即謙稱:「平常心,得唔得獎隨緣啦,有時要講吓運氣嘅。」馬浚偉又指自己的工作室手頭上有幾個電影劇本在手,當中包括由顧美華主演的喜劇,又指對電視劇制作亦有興趣,不排除日後公司染指幕後大展拳腳。